探射燈：劏房戶執紙皮幫補家計
「個女讀緊間幼稚園，貪佢近唔使車費，所以先揀！讀全日制要用多千幾蚊，所以只選擇讀半日，過去幾年生活根本冇改善過！」趙女士一家三口居於深水埗區的八十呎劏房，面積小得連雪櫃都容不下，月租卻要三千二百元，丈夫於茶餐廳任職樓面，最低工資實施前已三、四年沒加人工，即使條例實施後月薪亦只加至八千元，但租金已花去近半收入。
「傾斜晒畀大商家」
面對近年物價飛升，趙女士全家一直勒緊褲頭，「趁街市臨收市時先買餸，可以慳幾蚊，平時晚飯只得一個餸，滾節瓜鹹蛋湯，生日先會加多隻蛋！」曾蔭權在任七年，趙女士直言生活並沒改善，她兩年前更開始執紙皮、舊報紙變賣，希望賺多十元廿塊幫補家計，但眼見「近年愈來愈多阿婆執紙皮」，批評曾蔭權「最叻只係派咗六千蚊，除此之外樣樣都幫唔到低下階層，託兒又冇、房屋又冇，只係傾斜晒畀啲大商家，所以佢得零分！」