「貪曾無厭」！至賤無敵！至貪無恥！唉，一雞一菜都要，有冇理由賀回歸十周年珍藏天價茅台唔掠啊！搬成千箱嘢，唔通真係老婆大人嘅「雜物」？童年唔捨得丟嘅煮飯仔？芭比洋娃娃？大佬啊！咪當香港老百姓腦殘至得o架！
根據曾蔭權爵士自訂嘅收禮物守則，佢以公職身份收取嘅任何禮物，只要估值高於四百港元，便須登記在「行政長官獲贈公務禮物名冊」讓公眾查詢。本報記者日前去翻查有關名冊，喺○七年七月前後並無發現類似數量的酒類禮物，最多亦僅一次過收過六瓶酒。
老朽近讀李彭廣《管治香港：英國解密檔案的啟示》，知道一眾前總督收到貴重禮品，均有規有矩依足條例處置。第五章提到禮物的收受時，強調總督要注意《殖民地條例》第五十一條的規定，總督及其家人禁止接受貴重的禮物。如果在接受邀請出席有可能獲贈貴重禮物的活動（例如：新船的下水禮）之前，總督把這項規定告知活動的主辦者，便會更容易避免日後出現尷尬的情況；總督亦可建議他們向當地的慈善機構捐獻，這種做法是可以接受的。
不要說甚麼「英國人能，中國人亦能」的豪語了，貪曾好學唔學，空有「爵士」之銜，全沒英國總督「廉潔」的意識，倒是做了特首七年，深明「適度腐敗」嘅神髓。依照內地官媒「要允許中國適度腐敗，民眾應理解」的奇文，貪曾退下來，確實最宜居內地，否則去到邊都難抬頭做人！