即將過檔新政府做房屋及規劃地政局局長嘅教育學院院長張炳良，離任前盡最後努力，就教院未能正名一事安撫教院師生。尋日佢喺電台節目中硬銷教院近年經過兩次轉型後，已經脫胎換骨，各個層面已經同其他幾間資助大學無分別，而且歐美好多頂尖及優秀學府都以「學院」為名，只係亞洲地區嘅人先覺得「學院」個名僅屬大專水平喎。既然教院同大學無分別，點解佢爭取正名大學咁多年都搞唔掂呢？
