未能過渡下屆政府或退休嘅高官，無得撈連個膽都大埋，近日紛紛暢所欲言，好似教育局局長孫明揚過去一連兩日同傳媒聚會，無所不談。講到立法會否決優先處理架構重組議案時，孫公就話係不幸，事關新班子喺七一當日一齊宣誓會最好，但趕唔切通過都好，個天亦唔會塌下來喎，真係講咗等於無講。
講到為官多年最難過嘅，要數○七及○八年，無論擔任房屋及規劃地政局局長處理清拆皇后碼頭、及後擔任教育局局長處理《校本條例》或教院風波等，無不面對司法覆核，認真濕滯。
