政情：林D9寬恕毓民任寸唔嬲？

卸任後會去英國牛津讀神學嘅政務司司長林瑞麟（林D9），尋日喺立法會提出決議案要求議員優先審議政府架構重組議案，人民力量黃毓民鬧佢硬銷動議係「太監讀神學，無得救」。面對議員出言侮辱，林D9反而一臉祥和話，聖經教導佢要祝福逼迫佢嘅人，所以佢會寬恕口出惡言嘅毓民，唔會向立法會投訴毓民喎。

不過，其後決議案意外地否決後，搞到祥和嘅林D9黑面「Ｏ晒嘴」，判若兩人。