甫翻新行人橋路面甩沙
大埔中心太和路行人天橋接駁多個屋苑，為區內最繁忙的天橋之一。不時行經天橋的陳小姐近日發現，天橋上不少行人突然停步及將鞋子脫下倒出沙粒，細看下原來路面「甩沙」所致，「做完翻新天橋反而差咗，啲甩咗嘅沙係咁走入鞋度，好似行緊沙灘咁，排水口仲有成堆沙聚埋，分分鐘塞渠都似！」
路政署發言人承認，早前曾為上述行人天橋重鋪防滑鋼沙，以改善路面防滑，事後派員實地查察，發現新鋪鋼沙出現局部鬆脫，已指示承建商跟進，清掃脫落的鋼沙及清理行人天橋排水口，以免影響行人及阻塞排水。
「雖然係承建商負責整，但係佢哋點都應該檢查下、睇下先收貨！」陳要求當局加緊對工程質量監控，免得隨時因「執手尾」而浪費公帑。