古物諮詢委員會主席陳智思上星期投下決定性一票，通過將舊政府總部西座評為二級歷史建築，隨即被部分團體質疑佢同政府「打籠通」。陳智思尋日就宣布辭去古諮會主席一職，另有三名委員亦跟隨佢辭職以示對有關團體表達不滿。有份辭職嘅委員劉智鵬批評，團體以陰謀論看待古諮會，損害古諮會嘅公信力，對事件發展深表失望之餘，更形容事件如同文革式嘅批鬥。
