葡萄牙球星C朗除球技稱霸，論貪靚程度亦達「球王級」！於擊敗荷蘭晉級一役，C朗喺上下半場都以唔同髮型示人，頭四十五分鐘，C朗頭髮錯落有致，前額頭髮微微隆起，可以話係典型「C朗頭」。但經過半場比賽後，汗水令梳起嘅頭髮開始「倒塌」。一向貪靚嘅C朗梗係接受唔到啦，所以利用短短十五分鐘中場休息時間，以強勁髮膠將所有頭髮「蠟實」，再梳出七三分界，以一副成熟穩重嘅外型重返球場。
C朗梳完個靚髮就更加醒神，喺下半場再入多球為葡萄牙奠定勝局。如果計埋賽後記者會再Gel番起個頭，C朗於區區一場比賽足足Gel咗個頭三次，可謂「貪靚之霸」。