「曾蔭權上台 生活差咗好多」
【本報訊】「曾蔭權政府冇做過扶貧工作，對有錢人靠攏多啲，香港貧富懸殊惡化，佢係有責任嘅！」一家四口居於不足一百呎分租房間的陳先生指，月入「餐餐清」，一家慳得連病都不敢去看醫生，只是到藥房自行配藥。他直言，自曾蔭權上台後生活從未有改善，生活質素更「差咗好多」，「佢咁多份施政報告，除咗派六千蚊外，乜都冇受惠過！」
陳先生一家四口的蝸居月租三千二百多元，他為街市販商工作，月入九千元，但交租連同子女補習費支出已所餘無幾，需「食老本」才能應付每月開支。
陳太則訴苦，為了節省家庭開支會「買少啲餸、一個月先煲一、兩次湯，要兩個細路真係成績好先帶佢哋落街，唔想落街就會買嘢！」
N無輪公屋六年
陳家已輪候公屋六年多，陳先生指「如果政府肯起多啲公屋、設立低收入補貼，我哋就唔使咁辛苦」，更批評曾蔭權在扶貧上「冇做到嘢」，對低收入人士亦關懷不足。他們一家雖屬N無人士，但卻未有受惠於關愛基金，認為本港的貧富懸殊問題「曾蔭權有推卸不了的責任」。