政情：大舞台：生銹周一鑊 最好咪復出

食物及衞生局局長周一鑊喺下屆政府無得留低，佢尋日上電台被主持問到公立醫院醫生流失問題，例牌話當局做咗好多嘢，包括畀退休醫生返公院做兼職，但當被問到退任後有無興趣返醫管局做吓兼職時，久疏戰陣嘅周一鑊可能自己知自己事，即刻懶風趣話自己係「生銹醫生」，唔知同僚會否嫌棄佢。其實周一鑊在任期間劣評如潮，做局長都生晒銹。做人最緊要係知所進退，奉勸佢疊埋心水享受吓退休生活算啦。