三個少男援交 三個誘因
【專案組報道】援交風氣直吹學界，年僅十七歲「同志援交少男」亦投身慾海。有拜金少年為了一部僅僅價值四千多元的潮流手機，甘願出賣肉體，讓客人「任做一年」，除了追求物質享受外，亦有人奢望在交易過程中找到失落的父愛；甚至徘徊在兩性之間，希望在援交過程中肯定自己的性向的少年。三名Money Boy傳上半裸照及學生照供客人睇辦，力求將自己賣出賺取所需。「寂寞的十七歲」竟變為一頁頁同志援交日記。
富商劉公子以「珍藏」靚仔相滿足個人慾望，當中有不少是金錢交易的Money Boy。記者為要揭開Money Boy援交之路，直擊援交男常客Man的獵男過程。
「行街畀二百蚊得唔得」
「同你做交易啊！六百蚊做一次；你送袋或者手機畀我，任你搞一年。」自稱十七歲、叫野仔的援交男，尚未與Man見面已開宗明義表示援交是為了購買名牌袋及手機，更列出清單供客人選購：「我要Galaxy Note（手機）日版、iPhone 4S港版手機，又或者Vivienne Westwood嘅袋。」Man壓價指價錢太貴未能負擔，野仔立即施展冧功，「我好悶呀！」更傳來一張半裸上身照，讓Man先睹為快，之後再主動邀約Man同往參觀一個名牌時裝回顧展，不過表明「伴行」要收錢：「行街你畀幾多錢？二百蚊得唔得？」Man最終嫌貴，再上網另覓性伴。
試過畀多人又食又拎
今次Man於網上相約十七歲的少男華仔，少男自稱有戀父情意結，喜歡年紀較大的客人。「我唔係為咗錢，我享受畀爸爸佔有嘅感覺。」雖然他對自己的背景隻字不提，但卻毫不猶豫地傳來一張半裸上身的照片。其後Man約華仔於旺角見面，身穿間條T恤、短褲，樣貌有點似「嫩版林宥嘉」的華仔，外貌比實際年紀更幼嫩，他聲稱剛考完新高中試，只想在假期中找尋寄託。
但同時他又展現出援交老手的一面，老氣橫秋地教路：「我個樣生得細，所以唔可以去時鐘酒店，好易畀人拉㗎。」他不斷問Man需要甚麼服務，揚言會盡量配合，性交收費一千二百元一次。他更說：「我唔會傻到畀你（Man）同我影相同拍片。」又透露試過畀客人又食又拎，「試過同個客做完，佢冇畀足錢，仲要偷我啲錢。」當Man表示不合眼緣要離開時，他顯得滿不在乎，只表示：「是但啦！今晚我都有其他客。」似乎不愁客源。
暗戀碰壁 對女仔冇興趣
第三個Man接觸的援交男，自稱Joe，傾談間他吐露做援交除了是為賺取零用錢外，亦因為自己在性取向上仍然困惑，他是三人之中最單純的一個，首次見Man便盡訴心事：「有個男同學知道我鍾意佢，之後就唔理我。」但在發現自己有同性戀傾向前，他也曾暗戀女生，「中一時，有鍾意過女同學，但佢唔理我之後，我就開始對女仔冇晒興趣。」
當日Joe身穿校服應約，不時向Man慨嘆在學校遭到排擠。至於他是如何踏上援交之路，原來只是出於偶然，「十五歲嗰年我第一次去搵（男）人，都冇諗住收錢，但佢夾硬塞錢畀我，咁我咪要囉。」自此他開始尋找性伴之餘，每次收費八百元，賺取零用錢花費。雖然客人一般都是中年人，但他表示：「無所謂啦！唔望佢哋咪得。」
除了以男性為對象，不少援交少男更男女通殺，甚至以上了年紀的女士為目標。循道衞理楊震社會服務處計劃主任謝紀良指，援交男女的數字近年有上升趨勢，亦不時有少年因援交而染上性病。他說：「有啲援交少男唔識保護自己，性交易後染上淋病同椰菜花。」他慨嘆，援交少年極少主動求助，所以想提供協助亦無從着手。