探射燈：滿足物欲追求為賺多啲「打真軍」
援交少女因想「賺多啲」而踏入援交之路，隨後更因想再「賺多啲」而降低性交易的底線，由要求男方佩戴安全套，變為「打真軍」，最終難以自拔。藍天心理諮詢中心臨床心理學家鄒凱詩形容此心路歷程就如染上毒癮一樣。她稱，少女最初援交是為了「援助」生活，但隨生活質素提升，對錢的需求也相應提高，當收入難以為繼時，援交少女就想盡辦法令自己再「賺多啲」，應付無止境的物欲追求。
勿存僥倖心態
「好多人都係抵受唔住引誘而有第一次，有第一次就覺得冇所謂而有第二次、第三次。」資深社工陳鑑銘表示，過往曾接觸太多「愈踩愈深」的個案，當中更有人由援交「轉型」成為全職妓女，最終若不幸遇上變態嫖客被摧殘更得不償失。他呼籲青少年勿存僥倖心態，要堅守「第一次」防線，避免泥足深陷。