立法會財務委員會尋日開會討論政府架構重組嘅撥款申請，工黨李卓人話，一個打工仔一個月先搵到一萬元人工，做三十年先等於啲局長一年人工。亦有議員話局長嘅人工已經「超英趕美」，民調都話市民覺得局長薪酬太高喎。候任特首辦主管羅范椒芬就反駁兼寸爆議員話，如果問市民會否覺得立法會議員薪酬係咪太高時，市民都會咁樣回應，即係話好難比較人工嘅高低。議員咁樣被人抽後腳，只怪自己平時表現唔好不得民心囉！
