被揭發貪盡海陸空嘅貪曾，無視社會輿論批評，尋日照樣厚住面皮出席卓越教學頒獎禮，佢喺致詞時仲死撐話，聽到坊間對佢出席頒獎禮嘅批評，但強調主角唔係佢，而係獲獎嘅老師喎。有份出席嘅教育評議會副主席何漢權離場抗議之餘，仲批評貪曾豪華外訪五十幾次，但就無同教育界討論過教育，而貪曾多次豪華外訪及接受富豪款待，個人操守好有問題，根本唔應該主持頒獎禮喎！
