政情：燈飾女王重生活質素
香港總商會尋日喺跑馬地馬會會所搞咗個以「Work Life Balance」為主題嘅午餐會，請來立法會議員劉健儀（Miriam）擔任演講嘉賓，原來負責邀請Miriam嘅，正係總商會卓妍社主席、「燈飾女王」胡安（Sonya）。Sonya話，因為佢有感工作及生活平衡對成功女企業家好重要，所以搵咗有律師同議員背景嘅Miriam同大家分享，話晒都係事業型女性嘛！
問Sonya對Miriam嘅演講有何體會時？佢話：「我好贊同劉健儀所講，享受生活唔在乎長短，最重要係質素！」咁點樣喺工作同生活之間取得平衡呢？Sonya話，佢好珍惜同家人相處嘅時間，每年都會飛去美國同父母共享天倫，而今年暑假都唔例外，計劃同媽咪坐郵輪暢遊阿拉斯加睇冰川，佢坦言：「依家地球暖化，再唔睇就無機會睇喇！」