政情：退役斷路器變藝術品
大家知唔知退役嘅電力斷路器仲有乜嘢用途呢？最近中電就同薩凡納藝術設計（香港）大學（SCAD）合作，讓該校學生將已退役嘅斷路器轉化為藝術品。七位學生為廿八組已退役嘅斷路器注入新生命，創作出引人入勝、獨特嘅藝術品，希望透過作品刺激觀賞者思考保育嘅重要性。有關藝術作品會喺本月廿二日至七月一日喺金鐘太古廣場展出。
其中插畫藝術學士學生Jen Paolini創作嘅作品，靈感來自大自然與能源永恒不息嘅聯繫，透過表達呢兩個元素如何能相互平衡及糅合為一嘅關係，體現可持續發展。Jen Paolini話，參與今次計劃令佢深入了解電力呢個專業行業，亦啟發佢思考自己作為藝術家嘅方向，喺學習階段嘅早期就能夠有此經驗，實在係難能可貴嘅機會。