晾曬打橫擺市民無路行
「啲櫈同石壆都鋪晒被，最離譜係打橫擺埋喺行人路，想搵條路行都冇！」鍾先生指輕鐵天悅站側行人路常有人非法晾曬，不滿食物環境衞生署未有執法，「周圍係有好多張通告叫人唔好曬衫，但真係未見過有人執法，完全係靠嚇！」
食環署發言人稱，公眾地方晾曬衣物屬街道管理問題，各相關部門可按其職權範圍清理其管轄場地內晾曬衣物，該署會繼續參與跨部門清理行動。
不過，元朗區議員趙秀嫻卻不滿食環署處事「懶懶閒」，因疏於執法令晾曬問題日趨嚴重，要求當局與相關部門加強協調以解決問題，「民政處可做統籌，房署劃啲地方畀人晾曬，食署就檢控違規晾曬，落力啲搞掂佢！」