探射燈：富士蘋果 日本貨最矜貴
內地富士蘋果主要產自山東、甘肅及陝西省，當中分銷香港的富士蘋果主要來自山東，據了解，由於山東蘋果「皮薄水多」，故十分適合香港人口味。
據本港生果店主表示，產自山東的富士蘋果「又平又正」，每年十至十一月是主要收成期，價錢會更平，約十元已有四個。而來自新西蘭的富士蘋果亦屬「新貴」，價錢稍貴，但入口「冇咁硬」，口感較好，約二十元三個。最「矜貴」算是日本富士蘋果，果中有「糖心」，從果芯隱隱透出清新撲鼻的香味，令人一試難忘。雖然日本富士蘋果售價高達六十元兩個，但卻是送禮及過節的佳品。
墜手「夠響」先夠靚
「靚蘋果因為曬得太陽多，所以會紅啲甜啲。」位於九龍城的水果專門店老闆宋先生，教路揀蘋果首要「墜手」，其次要像「彈西瓜」般用手指「彈一下」蘋果，若聽到清脆響亮的「嘭嘭聲」，即代表蘋果水分充足「夠肉地」。