做政府工或者做警察都要經過「查家宅」一關，尋日立法會議員李永達原本想問吓政治助理入職時係咪都要相關檢查，但就講嚟講去都噏唔出係咩檢查，唔知佢係無知定係上腦，講講吓仲話係政治檢查添，嚇到政制及內地事務局局長譚志源即刻糾正佢，話政助入職前要接受嘅，其實係同政務官「差唔多」嘅「品格檢查」。咁究竟要查啲乜，佢就無講嘞。
