立法會喺月尾恢復《一手住宅物業銷售條例草案》同《2012年商品說明（不良營商手法）（修訂）條例草案》二讀後就會開始處理議員議案。李卓人原定諗住喺六四廿三周年前夕動議討論六四事件，但現時議案已經無晒時效性。但觀乎前日有兩萬幾人去中聯辦悼念李旺陽，議員可以喺會上討論呢件離奇自殺事件。
其他議案包括自由黨主席劉健儀要求討論成立中產事務委員會、經濟動力林健鋒要求討論點樣可以維持本港有利營商環境等。
其實依家剩番嘅議案好多都無迫切性，如果有議員肯主動撤回一啲無咁重要嘅草案，立法會就可以騰出更多時間處理其他更有意義嘅議程喇。