港中醫院隨時遷出
【本報訊】由於港中醫院拒絕遷出拖延多年的香港聖公會重建中環聖公會建築群計劃，今日明朗化。高院今日聆訊聖公會入稟要求港中醫院限期前遷出的官司，面臨「殺院」的港中醫院院長鄭俊豪昨表示會接納法庭裁決，「如果法官叫我哋搬，我哋咪即刻搬，冇得懶死！」他稱院方已通知全院逾百名員工短期內需遣散，亦已通知長期住院病人的家屬安排轉院，做好結業準備。
鄭俊豪昨開腔回應被指拒遷事件，他承認年前已收到聖公會通知，要求收回港中醫院現址重建發展。他強調，非有意拖延遷出，「唔甘心就咁執咗佢，如果醫院服務已飽和唔需要我哋就話啫，但依家私家醫院床位咁緊張，冇理由仲要我哋執笠？我哋唔係無搵過地方搬，但興建醫院要有地先得，咁喺邊度先搵到？」他強調院方一直希望尋求政府支持，撥出贊育醫院重置，但政府堅拒，令院方十分失望，已去信候任特首尋求協助。他說，聖公會的發展計劃工程未必即時上馬，希望聖公會再予通融。
聖公會擬建老人癌症中心
聖公會教省辦事處秘書長管浩鳴牧師表示，中環聖公會建築群已拖延多年，必須盡快進行。他希望港中醫院順利遷出，因應遷出後區內醫療需求，聖公會決定修訂中環重建計劃，十一層高的綜合大樓整幢改作非牟利私院，主力發展老人醫療服務及癌症中心，並擬與美國專科醫生合作引入遙距診症。醫院以非牟利方式運作，設二百張病床，一成名額免費撥予經社會福利署或福利機構推薦的低收入病人入住。新院不設產科，亦不設人工流產服務。