章子怡名節受損 可索天價賠償
【本報訊】章子怡全球知名，來自電影、廣告及商品代言人的收入滔滔不絕。法律界人士黃國桐謂，今次被指誹謗的內容涉及女星最重視的貞節問題，章子怡一旦「告得入」，賠償總額相信是一個天文數字。他又解釋，傳媒不能單以引述他人文章作抗辯理由，必須證明報道前曾盡力求證：「唔係話馬爾代夫定巴勒斯坦有篇報道，你見人登咗就可以照登，如果係咁，吹水咪好易。」
章子怡的收入及曝光率令其個人影響力足以登上《福布斯中國名人榜》，黃國桐分析，章子怡要求誹謗者賠償的經濟損失全部有數得計，再加精神損失，必是天文數字：「你報道一個女星最忌諱嘅貞節問題，人家同你少咗幾多片酬、少接幾多廣告同電影，少去幾多代言活動逐樣計，真係有排賠。」
金額由法庭評估
黃國桐解釋，一般誹謗入稟，原告一方也不會列出要求賠償金額，原告一旦勝訴，金額會由法庭評估，但若被告涉及多個不同單位，各自的賠償額加起來不能超過法庭評估的總賠償額：「不過咁，以章子怡咁出名又全世界都識，只係一個單位嘅賠償額都唔嘢小。」
黃國桐強調，涉及傳媒的誹謗案，被告一方一般有兩個抗辯理由，一是證明報道內容屬實，一是證明報道屬公正評論，但引述他人文章不是抗辯理由：「你登人家篇報道，都要盡力求證源頭，努力追查，並唔係照登過關，平衡新聞自由都要保證文章唔係傷害到人。」