中環出更：邱詠麒見工 勇字當頭

鄭重科睇波捱眼瞓

Josephine話，佢當年啱啱喺英國留學返港，第一份工係喺德意志銀行做副經理，佢嗰次足足面試咗十次，見完香港分部又要見外國高層，少啲膽量都唔得。嗰次經驗令Josephine明白好工難求，所以到依家都絕不鬆懈，正打算報讀科技大學嘅MBA課程，繼續增值自己。

歐洲國家盃進行得如火如荼，青聯副主席鄭重科（Tony）話睇波同工作兩者缺一不可，所以寧願犧牲瞓少啲。佢笑言，呢啲先至係年輕人應有嘅精力喎！不過講到好精力，Tony就大爆老友觀瀾湖集團主席朱鼎健（Ken）係表表者。佢話Ken日理萬機，但又要keep住健碩身材，時間緊迫之下，有時去健身室一邊跑步，秘書一邊遞上文件畀佢簽名，真正寓工作於娛樂。