警務人員未必識防盜
【本報訊】接二連三有高級警官被竊匪潛入單位，撬開甚至抬走夾萬，保安專家認為，警務人員雖有豐富刑事偵緝知識，但若非曾駐守防止罪案科，則對防盜意識一知半解，他說：「喺我哋呢行，被賊人短時間撬得開，或者抬得走嘅夾萬，除咗個夾萬化學外，單位戶主嘅保安意識不足，亦係原因。」
售賣夾萬的萬通安全發言人萬得林表示，現時市面百貨公司出售的夾萬，價錢由四百至二千元左右，在行內都不能稱為夾萬，他說：「呢啲平貨，係普通貨色，只可叫鐵皮箱，或者叫火水罐，除咗個鎖好化學，鐵板亦好薄，一般兩支普通螺絲批，已經可以撬得開。」
夾萬鑲牆難抬走
萬先生續稱，一般稱為安全的夾萬，價錢由六千元起計算，該些夾萬保護功能強，除鎖前有鐵板保護外，被撬的話，夾萬內反鎖器更會被啟動，自動鎖死門鎖，「就算抬得走，都開唔到，最終只有棄夾萬。」他補充，通常會向購買夾萬的客人，建議將夾萬鑲在牆壁或地面，就算遇到竊匪，亦難在短時間內抬走。
