違泊雜物阻塞 界限街無王管
街道管理問題複雜，市區如旺角等狹窄地段情況更甚。讀者阿明指界限街常有運輸公司將貨物及手推車放於行人路上，不但嚴重阻礙行人，馬路的上落貨區亦因有大量車輛違泊，日日變身私家停車場，「行人路就堆晒啲貨喺度，馬路就有違泊車輛塞住晒，如果有咩事白車要入嚟救人都唔知點泊，救護員推床仲要避貨！」
食物環境衞生署發言人表示，接獲轉介後已派員巡查，但未有發現行人路有手推車等雜物，但已提醒附近一帶商戶勿佔用行人路。
警方發言人則稱，今年一月至四月曾於上址向違例停泊車輛發出五十四張告票，並勸喻商戶切勿霸佔車位，更強調會繼續監察有關情況。
「點會見唔到有嘢，日日一過十二點就有好多貨、好多車，食環署啲人幾點去睇？」阿明認為當局的回應僅屬機械式回覆，要求有關部門確切積極行動，以徹底解決問題。