【本報訊】「真係好開心！」今次已經是兒子第四次玩失蹤，再度「失子復得」的黃父事後鬆一口氣，更對兒子懂用八達通套現現金一事表現得啼笑皆非。雖然兒子害他提心吊膽，但黃父昨晨攬住兒子離開警署時，一臉慈祥地望住兒子好言勸解，黃父慨嘆管教子女是一門困難的課目，小小家園亦困不住愛兒外闖決心，只寄望兒子「唔好成日走」，更矢言不會體罰，免弄巧反拙。
任職保安主管的黃父，與妻子兒女，一家四口居於唐樓套房，面積不足二百呎，他指自己及妻子均需為口奔馳，難以分身時刻貼身照顧子女，並稱：「間屋咁細！個仔又好動！成日想學大人出去玩！」前年九月，僅得七歲的愛兒首次離家出走，擬帶同堂弟往迪士尼樂園遊玩，幸於欣澳站被職員發現尋回，此後他又曾「遠征」觀塘麗港城，上一次出走亦只是上周一（廿八日）的事，幸他最後自行致電回家。黃父對管教兒子一臉無奈，但因「拐子佬」傳聞不絕於耳，故每次均竭盡所能「尋子」，從未放棄。
黃父昨晨與兒子重逢後亦稱：「真係好開心！」，並笑稱愛兒懂得「典當」八達通套現：「估唔到佢咁叻！」。他日後會叮囑女兒要接送胞弟到補習課室，並稱：「希望佢唔好成日走啦！道理講咗好多喇！我又唔想打佢！」闖禍的黃童被記者問及會否向父親道歉時，只望望父親，又捽鼻以笑遮醜，一臉尷尬。