中環出更：萬人膠樽合奏 破世界紀錄
香港慈善團體多如繁星，要喺當中突圍而出，就必須靠實力同創意。
仁愛堂早前舉行環保Green Live演唱會，全場一萬名觀眾自備膠樽做樂器，合奏一曲《Heal The World》，申請成為健力士世界紀錄。主席黃達東（Dennis）話，今年仁愛堂成立三十五周年，希望創造更多第一次。
尋日仁愛堂舉行傳媒聚會，Dennis帶住一班兄弟姊妹盛裝赴會，「光纖之父」高錕太太黃美芸都有捧場。
仁愛堂孖高錕撐腦退化
Dennis率先透露一系列活動，重頭戲係同高錕慈善基金合作，成立全港首個一站式腦退化支援中心。副主席歐雪明豪捐逾七位數字款項支持善舉，希望未來全港各區都有一個中心喎。
卓妮同場見到藝人馬德鐘太太張筱蘭，佢以香港大學社工系名譽助理教授嘅身份支持活動。總理嚴碧珊（Ana）同羅台秦一身火紅打扮好養眼，Ana話近月與友人飛日本、新加坡及歐洲多地度假，為keep住靚樣，搭飛機必敷面膜，肌膚自然滑過雞蛋。羅台秦就話近期弄孫為樂，剛剛先去完美國湊三個外孫。
歐洲國家盃就開鑼，總理劉家榮話買定花生等睇波，佢食住個勢贊助仁愛堂成立阿仙奴香港足球訓練學校，學員有機會飛去英國總部交流及集訓喎。
卓妮