屋邨健體設施損壞後久未維修，房屋署被轟「大歎慢板」！陳婆婆指沙田秦石邨設有數個長者健體設施，其中一個被膠帶圍封多時，一直未見房署維修，令長者「有得睇冇得用」，「條邨已經冇乜設施啱長者玩，依家仲要壞咗都唔維修，房署想點呀？」
房署發言人表示，有關健體設施座椅其中一條木條甩脫，為免對使用者造成危險，職員遂即時圍封，而且在座椅上貼上待修字句。由於承建商並無現成維修物料供應，現已安排訂購，並催促承建商盡快維修。
「今年二月頭已經同佢講過，咁耐都未整好，萬一呢段時間有人整親邊個負責？」沙田區議員陳諾恒狠批房署未有考慮居民需要。
