屋邨滲漏跳掣嚇壞居民
「有一晚突然之間『啪』一聲，之後全屋嘅燈都熄晒，原來係滲水搞到跳掣，真係嚇死人！」居於華貴邨華賢樓的莫先生表示，自去年中起單位天花已出現滲水，客廳及房間亦被波及，估計因此而引致電線短路，曾向房屋署投訴，惟對方一直愛理不理，令問題愈來愈嚴重。
房署發言人證實，去年八月已接獲租戶投訴，並於九月安排承辦商進行打針修補工程。今年二月再次接獲投訴，隨即亦到上層單位視察，發現該單位廁所地台有滲漏，已安排承辦商進行維修工程。
「第一次打完針，啲水只係由窗邊積埋晒去廚房同廁所，根本就搞唔掂，跟住漏出嚟嘅水仲變咗啡黃色，仲愈漏愈勁，依家都唔知仲會唔會再漏！」莫先生直指房署修補工程治標不治本，以致問題一直未解決，要求盡快檢討維修方法，以保障租戶安全。