Mandy喺新聞稿指出，選舉事務處喺無諮詢佢意願下，將原本屬於立法會會計界功能界別選民嘅佢，登記咗做區議會（第一）界別嘅選民，不但令佢喺九月選舉無得喺會計界選舉投票，仲令佢喪失循會計界重返立法會嘅參選資格，要求選舉事務處交代同解釋。
我哋就Mandy嘅投訴問過選舉事務處，該處回應話唔方便評論個別個案，但係就列出有關法例，澄清只要同會計界有密切聯繫，就可以喺該界別參選，唔一定要喺會計界登記選民喎。言下之意，即係本身係會計師嘅Mandy，仍然合資格參選會計界。
此外，該處將本身係黃大仙區議員嘅Mandy自動登記成為區議會（第一）界別選民，亦係法例規定嘅正常做法，希望佢下次搞清搞楚先至出稿鬧人喇！