政情：大舞台：吳康民踩林D9後備都不如

貪曾豪華外訪劣行惹起全城憤怒，要求佢引咎辭職同雙倍「回水」嘅聲音不絕，但前港區人大代表吳康民尋日都暗批貪曾，話如果貪曾仲有一年任期，就值得考慮係咪下台喎。吳康民暗批貪曾之餘，仲踩埋政務司司長林瑞麟（林D9），話貪曾落台自然會由林D9署任特首，覺得唔一定對香港嘅交接有利喎，等於寸林D9連做後備都不如，估唔到林D9臨走前都要硬食悶棍。