結婚年餘的黃天賜，生前為房屋煩惱束縛，希望死後可「海葬」，跟隨海水漂洋過海，享受環遊世界的自由。他在給家人的遺書中透露，希望死後可以火化，骨灰撒入大海，讓他可以環遊世界，黃母說會幫他完成遺願，「等佢安心環遊世界。」
阿賜自殺前數小時曾回隆亨邨與父母吃飯，其父昨晨接獲警方通知，到醫院認屍回家，發現睡房內三封遺書，始驚悉兒子早萌死念，前晚回家吃的原來是「最後晚餐」，「知道佢近排唔開心，但無諗過佢會自殺。」阿賜在遺書提到：「當你哋睇到這信時候，我唸（諗）我已經離開咗……我可以講就係我內心太傷心同自責，因為係自己把段婚姻整成咁，你哋唔好罵「包包」（死者妻子），係我自己選擇咁做……」可見死者處處維護妻子。
阿賜在遺書自責道：「有D事情應該去改同做錯咗又無去理，所以到現在太遲就連自己唸（諗）起都過唔到自己，何方（況）包包。」其父母昨悲痛地說，早知道兒子媳婦因住屋問題鬧意見，但不會怪責媳婦，「依家怪邊個都無用，個仔都救唔番啦。」
本報記者