審計署尋日發表報告狠批煲呔曾過去五十五次外訪中，利用公帑住咗四十一晚酒店最高級豪華套房，但多次都係無理據支持嘅，最可恥嘅係貪曾偷食，但要特首辦主任梁卓偉負上全部責任。貪曾嘅邪惡行徑被各界炮轟，自由黨立法會議員劉健儀更咬牙切齒狠批貪曾一錯再錯，天理不容，浪費納稅人嘅血汗錢，仲話今次審計署報告會成為佢係咪支持彈劾貪曾嘅因素喎。
