政情：楊受成《爭氣》高踞暢銷榜
英皇集團主席楊受成月前出自傳《爭氣》，銷量高踞各大書局暢銷榜。《爭氣》出版後已售出近四萬本，下星期加推第四版應市，楊受成並將近四百萬元收益，全數撥捐做善事。
反應如此熱烈，楊受成話好開心：「因為今次係做善事，外間反應又好好，網上評語都話我呢本自傳可信性高。以前多數人寫自傳都係歌功頌德，但我呢本自傳就寫埋自己失意嘅事，每件事都有根有據，有圖片，所以聽到反應咁好，真係好開心。」
第三版《爭氣》估計將會喺呢個星期沽清，故趕製第四版應市。有部分讀者覺得精裝版嘅《爭氣》太重，所以出版商考慮推出輕便版。楊受成話，輕便版內容一樣，只係紙張無咁厚，唔用硬皮紙做封面，售價考慮每本調低至四十元或五十元，估計一個月後有售。