官僚政府做嘢一味有姿勢冇實際，商務及經濟發展局推出《淫褻及不雅物品管制條例》檢討第二輪公眾諮詢，又敲鑼打鼓，建議觸犯淫褻罪行由現時最高罰款一百萬，提高至二百萬元，最高監禁年期維持三年，不雅物品方面，首次定罪罰款增至八十萬元……
講嘢吖？淫賤黎旗下嘅壹淫媒集團，觸犯淫褻及不雅罪行超逾百次，每次罰款都係一萬幾千，幾時有依「法」判罰量刑？所以話再經過N次諮詢都係廢嘅！真係做嘢，依足法例，超級積犯壹淫媒就唔會咁風騷啦！淫審處嗰把尺根本就係混吉，同樣一輯女星照，可以有三個或以上嘅量度準則，仲要特別放生壹淫媒，以為咁就可蒙混過關！難怪由○六年起已經擔任淫審處審裁員嘅袁小姐都質疑，單是依靠審裁員嘅評審機制無所適從，主要依靠審裁員嘅個人道德標準，並無客觀準則，導致評審過程困難重重。之不過咁，對壹淫媒呢個積犯，一次又一次放生，無論點講，都係難以服眾！
《禮記‧表記》話齋：「君子寡言而行，以成其信，則民不得大其美而小其惡。」意思係君子不必多講話，只以行動來成就他的信用，這樣人民就無法誇大他的優點，或是輕忽他的缺點。如今，官僚一味假諮詢，坐而論道，有法又唔依，咁搞法，即係連諮詢都玩拉布，乜鬼棘手嘢都等下屆政府執手尾，如此蹉跎歲月，唯一有運行又係淫賤黎，唔通佢又係龍年出世？