政情：通宵開會躁狂損記憶？！

立法會通宵審議替補機制，抗衡人民力量陳偉業等人「拉布」策略，但普遍建制派議員年紀較大，突然要通頂都唔知捱唔捱得住。本身係精神科顧問醫生嘅勞工界潘佩璆就即時免費診症，話缺乏睡眠會影響記憶力，脾氣暴躁甚至引發躁狂症，亦都好易產生幻覺喎。

其實平常人就算無通頂，唔夠瞓都可能有呢啲後遺症，如果議員選擇得通宵開會，就唔好再搵藉口喇。