安埔路食肆阻行人
食肆肆意霸佔行人路，食物環境衞生署被斥執法不力！大埔街坊倪先生表示，安埔路一帶有多間食肆在晚上經常在行人路上擴充營業，令途人大感不便，「呢度好多間餐廳，間間都擺晒啲枱櫈出嚟，又由得啲客放單車同狗喺路邊等佢哋食嘢，仲要叫啲人喺行人路等位，真係逼到行都行唔到！」
食環署發言人表示，接獲轉介後已派員作突擊巡查，發現有食肆放置桌椅及雜物阻塞行人通道，已向有關負責人提出檢控並作警告。發言人稱，過去半年該署向上址一帶違規食肆負責人提出十四宗檢控。
「通常啱啱畀人罰完梗係會收斂啲，但次次（食肆）都好快又再擺過，食環署真係要勤啲執法，等佢哋唔敢再犯！」倪先生坦言經本報轉介後，食肆阻路情況確有改善，但要求食環署繼續嚴懲，決不可再寬鬆執法，以免故態復萌。