候任特首梁振英（CY）銳意強化行政會議功能，日後行會成員有望出掌重要諮詢架構輔助政府施政，政圈預料CY會邀請做到嘢嘅社會人士加入，頓時令年逾七十五歲嘅鄉議局主席劉皇發係咪有得留低增添變數。不過，向來老謀深算嘅發叔尋日突然自認年紀大，相信不獲邀請留任行會。究竟發叔此舉係有自知之明，定係其實想用慣常伎倆以退為進博挽留，咁就要佢自己至知喇。
