便利店阿叔義釋青年刀賊
便利店老店員「軟硬」兼施、掟一百元智退刀賊。年逾六旬仍自食其力的老店員，昨凌晨在黃大仙的便利店返通宵更遭獨行賊持刀行劫五百元，他見對方年紀輕輕「仲驚過自己」，冷靜下來「兇」賊：「你有刀，我都有刀」，更教訓道：「你咁後生，唔去搵嘢做」，最後由自己荷包掏一百元，遭到羞辱的賊人百元照攞，拔足逃去無蹤，警員取走閉路電視錄影追緝劫匪。
力退刀賊的男子姓鄭（六十四歲），人稱佳叔，年輕時曾學習功夫，育有三名兒子。佳叔原本在製衣廠工作，十年前因工廠轉型，他亦順勢轉職，到黃大仙東頭邨旺東樓地下便利店當通宵店員。十年來一直相安無事，估不到昨日「開齋」首次遇劫。
佳叔：「冇二百，攞一百啦」
昨凌晨三時許，佳叔與一名中年女同事當值，她進入貨倉處理貨物，他則獨自蹲在冷藏飲品櫃前地下整理報紙。突然，一名年約廿四至廿五歲、一點七米高青年闖入，手持一把生果刀指向佳叔聲稱打劫。佳叔稱，「佢一入到嚟，即刻用刀指住我，話要攞五百蚊」，由於第一次遇劫，他當時確實「心慌慌」。但發現劫賊為青年，表現「仲驚過自己」後，立刻鎮定下來。
佳叔表示，「我即刻話你有刀，我都有刀，五百冇咁多，你咁後生，唔去搵嘢做」，跟住反問對方「咁你想攞幾多。」刀賊即改口「攞二百」，佳叔放膽話：「冇二百，攞一百啦」，然後從褲袋掏出一百元掟給賊人，賊人不敢久留，奪過鈔票後拔足逃走，打劫全程約兩分鐘，佳叔致電報警。
兩名探員到場調查，佳叔向其重演遇劫經過，並指劫賊生面口，第一次到便利店，打劫前沒有購物。店內裝有閉路電視，相信已拍下劫賊容貌及犯案過程，探員取走錄影助查。事後佳叔繼續開工，聲稱「見佢後生，唔想毀咗大好前途，咪膽粗粗勸佢啦」。