走廊曬衣物房署冇符
「已經投訴咗好多次，啲人仲係晚晚掛晒啲衫出走廊！到底房署除咗貼通告仲識做乜？」華富邨華景樓居民梁小姐指邨內常有居民於走廊違規晾曬衣物，且無視房屋署通告，不滿當局執法不力，「又話有扣分制，原來都係得個講字！」
房署發言人證實，自今年一月起曾接獲二十宗相關投訴，已派員到場了解，強調有關住戶經勸喻後已把衣物收回。發言人又稱，已於大廈升降機及地下大堂張貼通告，呼籲住戶切勿在走廊晾曬衣物，否則會因應情況執法，包括向罔顧警告的租戶扣除最多五分。
「房署都知愈嚟愈嚴重，但就寧願改下張通告嘅內容都唔肯扣分，咁個制度整嚟做咩？真係莫名其妙！」梁小姐直指邨內走廊晾曬情況毫無改善，認為房署處理問題欠成效，要求檢討。