現任食物及衞生局局長周一嶽任內劣迹斑斑，好多人都期望佢嘅繼任人著名骨科醫生高永文可以撥亂反正，迅速解決香港嘅醫療衞生問題。但為免期望愈大、失望愈大，高永文尋日就喺電台表示，本港現存嘅公私營醫療失衡、醫護人手短缺同婦產科床位不足等問題，好難喺短時間內徹底解決，例如單係為私家醫院停收雙非孕婦把關，壓力已經好大，為自己嘅未來工作做定期望管理。
