孻仔早逝 次子三女如陌路
【本報訊】甘穗煇先後有四房妻室、子女十多名，最後僅安排健成琨禮兄弟接班，豈料還是內訌。甘老太回想當年，一直反對兩子回酒家幫手，最終在丈夫央求下屈從，未料會演變成現時兄弟反目之局。甘老太現在跟次子三女形同陌路，最疼愛的孻仔則因病早喪，叫人不勝感慨。
甘老太說，鏞記創立時雖適逢香港淪陷，但生意仍算不俗，當時她要照顧長子健成，但仍要落手落腳洗枱布及看管鮑參翅肚等名貴倉存。直至健成的弟妹陸續出生，健成開始上學，她才全職照顧子女。
一直反對子女返酒家
她指丈夫的髮妻沒有子女，二房子女又都選擇讀書，而她亦希望自己子女能多讀書，故當初丈夫叫健成幫手，她強烈反對。但丈夫動之以情，對她說「個個仔都走晒，咁我啲生意擺喺邊個度吖？」她無奈在健成完成中學後，同意讓他回酒家學藝。其後次子琨禮和幼子琨岐亦先後加入，四父子攜手打拚。
三個兒子中，甘老太最寵愛的是琨岐，指他性格與世無爭，從來無意與兄長爭權：「佢好孝順，好純，畀啲阿哥點話都唔出聲，淨係畀人蝦！」豈料連上天也欺負他，他○七年被肺癌奪去生命。
甘老太憶述琨岐臨終情境，仍按捺不住悲痛：「佢臨死時仲好清醒，好似有好多嘢要講，我就行埋去，摸吓佢隻手仔啦……。」說至此處，甘老太終忍不住落淚：「我知佢好難過，有嘢想同我講，但見到有人響度，就唔出得聲……，我捉住佢隻手，都仲係暖嘅。佢都知我唔開心……，真係好淒涼……！」