「鏞記」命名有段古
【本報訊】鏞記酒家創立人甘穗煇在香港淪陷前後經營大牌檔起家，他為何會將酒家命名「鏞記」，原來當中有段鮮為人知的軼事。甘老太回憶與丈夫相識相戀，胼手胝足創業，雖然生活清苦，卻遠比現在眼見兒子兄弟鬩牆快樂。
甘老太憶述，甘穗煇上世紀卅年代已在中環開大牌檔，當時毗鄰有一咖啡檔，檔主麥鏞將檔口取名「鏞記」。甘穗煇後來向麥鏞提議兩檔聯營，自此他便成為鏞記股東。但日軍攻陷香港時，原屬麥鏞一邊的檔位被炸毀，麥眼見家當化為烏有，決定退出，留下甘穗煇繼續用鏞記之名經營。甘穗煇後來再邀麥鏞加入，但對方婉拒。甘老太透露，麥鏞後來改行賣衫，亦創出一番事業。
香港淪陷時，甘老太年方十五六歲，她說，有次幫同鄉親戚的雜貨檔送米到甘穗煇的大牌檔，一段姻緣便由此起：「佢逢親我開工就嚟，又問我阿嫂（她對同鄉的稱呼，非親兄嫂）我住喺邊，成日嚟搵我。」當時甘穗煇已有妻房，她起初故意避而不見。直至有次甘穗煇病重，其親戚來央求她去探病，事情才有轉機。甘穗煇後來游說到甘老太之母接受，兩人才終成眷屬。
「唔浪漫唔靚仔 一味勤力」
對於相伴大半生的丈夫，甘老太形容他「又唔浪漫、又唔靚仔，係一味勤力囉」。淪陷時期燈火管制，拍拖也沒甚麼節目：「舊底冇話拖手仔架……佢最鍾意就係食魚蛋粉，拍親拖都去嗰度食，真係諗起都笑死呀！」
和平後生意漸上軌道，甘穗煇也會帶太太去附近皇后、娛樂兩間戲院看電影。另一例牌節目便是去南華會看球賽。「佢收工帶我睇踢波，仲話『啲來路波飛好難買架，我睇親都預埋你架喇』。咁我咪陪下佢囉！」口說丈夫不浪漫，但甘老太說起這些陳年生活點滴，仍不禁泛起絲絲甜笑。