華富邨走廊開壇曬衣物
「每逢好太陽佢哋就開壇咁掛晒啲衫出嚟，我同房署投訴過，但次次都係求其勸下就算數，又唔扣分，啲人點會驚？」華富邨華景樓居民李太表示，大廈內多個樓層的住戶經常將床單、被鋪及衣物等放於走廊晾曬，嚴重影響居民出入。
房屋署發言人證實，今年已接獲兩宗相關投訴，除在大廈升降機及大堂張貼通告外，亦已派員加強巡察，提醒及勸喻住戶切勿在走廊晾曬衣物，如職員發現有違規情況，會向初次違規租戶發出警告。發言人稱，有關住戶經勸喻後皆會停止違規晾曬，亦強調會按照屋邨管理扣分制對罔顧警告的再犯者扣三分。
當區區議員柴文瀚亦指，曾接獲涉及住戶於大廈走廊晾曬衣物的投訴，認為房署應對屢次犯規者嚴厲執法，「如果係趁猛太陽曬一兩個鐘都可以體諒，但如果成日係咁阻到鄰居就唔得喇！」