大埔建體育館拖足13年
文康工程拖延逾十三年仍未動工，康樂及文化事務署被轟嚴重失職！大埔一項體育館工程早在九九年、前巿政局年代已經推出，惟至今仍「只聞樓梯響」，原定興建的體育館、社區會堂及足球場等設施「影都未見」。區議員直斥康文署剝削區內逾三十萬巿民權益；立法會議員亦指工程刻不容緩，要求盡快動工。
「呢區唔夠體育設施，成日都訂唔到場，嗰陣聽到話會起多個（體育館）不知幾開心！」居於大埔的林先生指十多年前已聞悉政府將在區內興建新體育館，坦言極為期待。可是，苦等逾十三年後仍未動工，林坦言由希望變失望，「十幾年嚟郁都冇郁過，淨係知轉咗個選址喺寶湖道，笪地依家仲變埋停車場，都唔知仲要等多幾多年，可能到我個仔大學畢業都未有得用！」
文康設施嚴重不足
大埔區議會地區設施管理委員會委員任啟邦指出，區內居民對文娛康樂設施需求殷切，直指對工程一拖再拖大失所望，「呢區好多團體搞興趣班，好多時都聽到居民呻話唔夠設施用！」任啟邦又指大埔區人口逾三十萬，但免費足球場數目卻遠較人口相當的北區少三分二，體育館亦比其他新市鎮為少，有增加設施的迫切性，「個工程進度已經落後咁多，政府真係要快手啲搞掂佢！」
康文署發言人承認，有關工程為前市政局於九九年解散前遺留下的計劃，民政事務局於○六年始確定發展範圍，惟因選址位於潛在危險諮詢區內，需獲潛在危險設施土地使用規劃及管制協調委員會批准，始可繼續計劃，由於建築署聘任的顧問公司花費三年時間仍未能取得潛委會要求資料，無法修訂風險評估報告，最後需於○九年將選址遷至大埔第一區。發言人又否認計劃拖延，強調曾七次就計劃進行諮詢，但承認仍未有落實工程時間表。
「做嘢歎慢板到咁真係接受唔到，政府應該嗱嗱聲開工，唔好再拖！」立法會民政事務委員會委員陳克勤直斥康文署嚴重失職，低估工程急切及重要性，令建設慘被閒置多年，即使正式投入跟進卻又錯漏百出，經歷十多年仍未訂出興建時間表，令巿民無法早日使用新設施。陳克勤亦狠批建築署對顧問公司監管不力，浪費三年時間仍未能完成報告，嚴重影響工程進度，要求各個部門加強溝通及檢討，並向市民交代。
記者：朱廣華