官員換屆將至，唔少下屆政府無得留低嘅官員都拋晒書包暗示自己唔會留任，不過原來有得留低嘅官員都要有啲文學根柢。立法會第二日審議出缺安排條例千三項修訂，尋日「拉布」拉足全日。政制及內地事務局局長譚志源（Raymond）話，佢喺早兩日已經用咗「浪子回頭」等成語勸議員唔好再拉布，前日諗咗成晚，終於諗到「放下屠刀、立地成佛」兩句佛偈。如果拉布持續，睇怕佢都好快江郎才盡。
