委員會話，呢十個可供選擇嘅議題中，全部都係由年輕人提供，不過唔知點解，十個選擇全部局限於本地民生議題，例如有本地住屋問題、綠色生活、關愛社會都有，偏偏關於本港民主發展嘅議題就一個都無，反而就有一個有關貿易秩序嘅議題，唔通青年人會建議關注貿易發展，都醒唔起要討論本港民主發展？
另外，喺參與會議嘅六百人入面，雖然已預留約一百個名額畀年輕人喺網上公開報名，但裏面有三分之二即係四百位，將會係來自十八區青年活動委員會嘅「網絡」。話就話高峰會會邀請特首同局長出席，但高峰會咁和諧，唔知到時啲官員又會唔會聽到年輕人真正嘅聲音呢？