政務司司長林瑞麟以去英國牛津讀神學為理由，瀟灑離任。相比之下，盛傳無得留低嘅食物及衞生局局長周一嶽尋日下晝再被問及留任問題，自然就顯得有啲狼狽。其實周一鑊都可以去進修吓吖，自從一首「忘不了你」後，唔少人都幫周一鑊平反，話佢可能唱開英文同歌劇，一時轉唔到個廣東唱腔啫！既然係咁，咁不如叫周一鑊去進修歌劇啦！當佢學晒不同文化嘅唱腔，例如粵曲、非洲土人唱腔，咁到時就咩歌都難唔倒佢喇！
