正當建制派議員好感性咁，為頓失「敢言」司長有感可惜之際，嗰頭泛民議員就好理性咁話，其實林D9硬銷都只因身在其位，歸根究柢，一切都係因為香港無民主喎。再加上電視排山倒海嘅林D9金句重溫，唔知以為做緊「永遠懷念林瑞麟」特輯添！
令到林D9「無得留低」嘅候任特首梁振英，尋日都讚揚林D9貢獻良多，祝願佢生活愉快，身心安康。到特區政府新聞網尋日下晝發稿，報道林D9唔留任同候任特首回應，至發現喺眾多回應中，獨欠煲呔曾。
話晒林D9喺立法會通過政改方案方面同佢拍住上，唔通煲呔曾唔知點去總結呢個沙煲兄弟嘅功績，定係佢已經舉手投降，交畀梁振英講晒？