九巴968線常滿 頻飛站
「我日日收工都喺西隧口等968返元朗，啲車多數滿座飛站，次次都要等好耐先上到巴士！」往來銅鑼灣及元朗的九巴968線途經西區海底隧道轉車站，陳小姐指每日下午繁忙時間均因滿座而難以登車，更曾因此於車站久候近三小時，「最麻煩係呢個位置冇乜其他車入元朗，每次都惟有焗住喺度等！」
九巴發言人解釋，當日班次延誤因巴士發生故障所致，強調站長已安排到達總站的巴士盡快開出，以疏導乘客。發言人認為，有關巴士線班次現時大致可配合乘客需求，日後將繼續留意情況，配合乘客需要。
「九巴係經常都唔夠車，特別係元朗區！」元朗區區議員鄺俊宇直言，半年前已悉聞相關巴士線滿座「飛站」情況，認為九巴應盡快正視問題改善班次。鄺又稱，區內有關巴士之投訴不絕於耳，區議會近日已新設立巴士路線發展委員會專責處理問題。